تحذير دينا الشربيني من الإساءة إلى عمرو دياب

2021.01.20 - 01:33
Facebook Share
طباعة

 تسببت تصريحات النجمة دينا الشربيني السلبية عن مشروع الزواج وبخاصة كلماتها حول ظهور الشخصية الحقيقية للزوج بعد العشرة، في توجيه تحذير لها شديد اللهجة من الإعلامي تامر أمين، الذي أكد أن دينا كانت "المستفيدة" من زواجها بعمرو دياب، ولا يحق لها التحدث عنه تلميحا أو تصريحا بأية كلمات قد تسيء إليه.

 
دينا رغم أنها لم تتحدث بشكل مباشر عن عمرو دياب ولم يرد ذكر اسمه في حوارها ببرنامج بصراحة مع" مع النجم عمرو يوسف، إلا أن أغلب أنصار عمرو دياب خمنوا أنه المقصود بكلماتها عن الزواج الفاشل، ووجه الإعلامي تامر أمين، تحذيرا لدينا الشربيني، من التحدث عن عمرو، في اللقاءات التليفزيونية أو غيرها.
 
وقال أمين خلال فقرة ببرنامجه آخر النهار: بقولك يا دينا متتكلميش على العلاقة مع عمرو مرة تانية، ولو هتتكلمي يبقى تتكلمي عن إنه نجم، ميصحش يخرج الكلام ده من زوجة بعد الانفصال وخاصة لو مع عمرو دياب اللي مبيغلطش في حد.
 
 
 
تابع قائلا: في السنين اللي فاتت حاول ناس كتير يتطاولوا على عمرو ولكن عمره ما رد عليه، الناس بتتطاول عليه فيرد بمزيد من النجاح، محدش ينكر أن جزء كبير من شهرتها خلال السنين اللي فاتت جوازها من عمرو دياب، هي كسبت كتير من وراه باقتران اسمها باسمه حتى الآن.
 
 
 
يذكر أن دينا الشربيني، كشفت عن رأيها في أسباب فشل مؤسسة الزواج، مؤكدة أن "العشرة" تكشف حقيقة كل شخص، كما تحدثت بصراحة مع النجم عمرو يوسف عن أكثر مخاوفها، ورايها في التمييز بين الرجل والمرأة، ورغم أن رسائلها كانت موجهة بالكامل إلى عمرو دياب إلا أنها لم تذكر اسمه مرة واحدة.
 
 
 
أضافت خلال مناقشة مع النجم عمرو يوسف في الحلقة الأولى من برنامج «بصراحة مع»، المذاع على فضائية MBC: للأسف إحنا بناخد فكرة الجواز أنها نهاية العلاقة مش بداية العلاقة، ده مش حقيقي، المفروض أن بيكون في فترة تعارف ووقتها الاتنين مش بيكونوا على طبيعتهم، كل واحد بيحاول يجذب اللي قدامه ويطلع مثالي عشان الاتنين يتبسطوا مع بعض، تقول مثلا عايزة سلطة وبلاش أكل أو عصير وفجأة يلاقيها بتضرب أي حاجة في التلاجة.
 
تابعت قائلة: الفكرة أن المشاكل الحقيقية بتبدأ لما أي حد يعيش مع التاني، بتشوفه على حقيقته، لو مبينة حققت من الأول مظنش أن ده هيحصل.
 
 
 
وواصلت قائلة: كل واحد من الطرفين بيتخيل أنه بيمتلك اللي قدامه، ومش قصدي على الرجالة بس، لما بيبقى نفسك في شنطة أوي بعد ما تمتلكها عادي ممكن ترميها على الأرض، كمان التعود حاجة سلبية، اللي هو خلاص أتجوزتها خلاص وتحط في بطنك بطيخة صيفي، المفروض كل يوم يبقى وكأنه يوم جديد وحياة جديدة.. أنا بحب الحب أوي.
 
 
 
وكشفت دينا جوانب من حياتها الشخصية وردا على سؤال من عمرو يوسف، عن أكثر شيء ممكن يثير خوفها قالت: أكتر حاجة بتخوفنى أخاف أفقد حد بحبه وبخاف من الزمن يعنى بخاف من بكرة وبخاف على أهلى من فكرة الفقدان وده بيرعبنى».
 
 
 
وقاطعها عمرو قائلًا: بخاف على دائرتى مراتى بنتى أمى أخواتى صحابى بخاف عليهم أكتر ما بخاف على نفسى بخاف على أشخاص ودائما بحب أنهم يكونوا سعداء، ومش بخاف من بكرة.
 
 
 
وروى عمرو يوسف، موقف يكشف عن جوهر شخصية دينا قائلا: وإحنا بنصور ودينا داخلة رفيعة وجميلة وشكلها حلو تيجى تقولى تخنت شوية وشكلى وحش وعاوزة أخس"، ثم ردت دينا عليه قائلة: طول الوقت مترددة ومن جوايا ودائما بحس في الشغل أنى ممكن أعمل أحسن من اللى عاملته.
 
 
 
وعن كيفية تقمص دينا الشربينى للشخصية قبل التصوير، سألها عمرو يوسف: "لما بتحضرى لدور بتعملى ايه": لترد قائلة: بقعد أذاكر وأفهم الشخصية كويس أوى يعنى في مسلسل جراند أوتيل شخصية ورد حبيتها أوى، وقعدت مع تامر حبيب عشان أفهم تفاصيل الشخصية وخطوطها، يعنى بمسك الشخصية من أسبوع لأسبوعين، ومعظم الأدوار الشريرة بتشد جدًا لأنه مليان تمثيل وعملت لي مشاكل عشان كنت بتكلم بنفس طريقتها بعد التصوير، وكد عمرو يوسف رأي دينا مؤكدا أنه بعد انتهاء تصوير مسلسل طايع ظل يتكلم باللهجة الصعيدية لمدة 3 شهور في البيت ومع أصدقائه.
 
 
 
وانتقد الفنان عمرو يوسف، في دينا الشربيني أنها "شايفة كل الناس جميلة"، وهو أمر عكس الحقيقة، وردت عليه قائلة: حاولت أغيّر الحتة دي فيّا بس ده طبع عندي، أنت فعلا بتفكر أكتر مني، أنا طريقة تعاملي مع الناس عشوائية حتى في شغلي، ومعنديش خطة.
 
ودار جدلا بين عمرو ودينا حول موضوع التمييز بين المرأة والرجل، وقال "عمرو" إن أفضل الطباخين والمصممين في العالم، فردت "دينا": "هي طنط طبيخها وحش ولا إيه؟"، فرد: متدخليش أمي في الموضوع"، فعقبت: لا هي حبيبتي لكن هدخلها.. رد عليّا طنط طبيخها وحش؟ كندة علوش طبيخها وحش؟"، فرد: أعظم أكل في العالم أكل أمي، وبعده على طول أكل كندة، لكن أشهر شيفات في العالم رجالة.
 
 
 
أضافت "دينا": الستات حاليا بيعملوا زي الرجالة إن مكنش أكتر، الست بتشتغل وبتربي وبتعمل كل حاجة، وأنا مش هعيش في دور الضحية، وأنا أصلا كان المفروض أطلع ولد مش بنت.
Facebook Share
طباعة عودة للأعلى
اضافة تعليق
* اكتب ناتج 1 + 5